أنا الذي لا أعرفه

ههههههههههه ممرررلي التاج مممممم ثانكس بس انا جاوبت علية قبل كدا اوت يعني
عايزة تاج جديد بقي ياتوما
وبتقولي صدق حسن ماشييي لما اشوفك
اية اخبار الشغل
واية اللي توهك بس 10 ساعات
يلا معلش تعيش وتاخد غيرها
مش بتعرف تعوم وبتخاف من البحرر
لالالاااااااااا اناالحمدلله سبيحة
ربنا يحققلك كل اللي انت عايزة ان شاء الله
واللاندلس فعلا حلوة
يلا كل تاج وانت طيب وشكر انك افتكرتني
سلام

عزيزي
يوه نسيت وقولتها وانت عارف مش بحب أمسح اللي بكتبه على أساس يعني أني تعبت وكتبته
أنا طبعا مش هقدر أرد على التاج عني فعشان كده هعلق وأرد على التاج مره واحده هنا
يالا إنشالله ماحد حوش
سؤال العصور مكنتش اعرف أنك وطني يا حاتم وده مكنش عشمي فيك بس فعلا محمد علي مش وحش بس لو كنت هعيش في قصر أنت عرفني مرذاش بأقل من كده بس عن نفسي وأنت عارف أني أدمنت الروايات العاطفية لفترة طويله من حياتي كنت بعشق الروايات اللي كانت بدور في القرن السابع عشر في باريس تحديدا ومش فاكر كان مين الحاكم بس تلاقيه واحد من سلاله حكام أمال يعني هيبقى واحد من الشعب
أنت عارف بقى جو تاني وحفلات وسهر والأهم الحب عزيزي الأمور على رأي أحمد مظهر في الأيدي الناعمة بس وبما أن الأجابة دي متنفعش هنا فأعتقد أني كنت أحب أعيش في عهد الرسول عليه السلام وده عشان أبقى من الجيل الأول ويمكن أكون من المبشرين بالجنة وأحس أني مسلم بجد مش مسلم لأني أتولدت مسلم
أما عن الأولويات فميرسي ياسيدي على المجاملة بس بزمتك الشغل بالنسبه لك مش البيج ديل
طيب بتفكر متسيبش السيرفيس وتيجي الاونر ليه؟
ياواد
أنا بقى يا سيدي لااعترف بالاولويات
بس بما أن السؤال مصمم فالأولوية طبعا في الأول لحبيبي واللي مش هقول أسمه هنا عشان ميزعلش
وبكده نبقى خلصنا من الأصحاب لأني مش بعترف أن الباقيين أصحاب ولكن تقدر تقول معارف من الدرجه الأولى ودول ممكن يجيوا بعد كل عيلتي بس حتى عيلتي مش كلها في منزلة واحده
فهمت حاجه؟
أما عن الشغل فأنا هلغيه من الأولويات رغم أنك عارف ياواد يا حاتم أنا في الشغل والله كانوا بيقولولي أني أنفع في السيرفيس عشان الأولويه عندي للشغل بس والله ده مش صح أنا مش بحب الشغل بس بحب أعمل المطلوب مني حتى لو ده هيجي على حساب حجات كتير ومنهم اللي أنا حطيته في المرتبة الأولى وأكبر مثال على كده لما لطعته من يومين في الشارع أكتر من نص ساعه وأنا المعروف عني التزامي بالمواعيد عشان بس مديري أدني شغل وأخرني عن ميعاد أنصرافي
فتيجي المحصله أني مش عندي أولويات

أنت تعبت؟

أنا تعبت
نكمل؟
أوك ردك بخصوص العادل مش عارف لما قلت ان تصرفاتك هيغلب عليها العاطفه أنا أتفق معاك بس عن كونك مش ليدر فأنا لأ أتفق
أما عشان تتأكد فتستقيل فده فكرني بعبد اناصر الا صحيح أنت ناصري ولا سادتي؟
أما عن نفسي فأنا مستحيل أكون حام وأنت عارف السبب وبلاش تشريد فلا أنا أستحق ولا أنا أحتمل الأعصاب يا بني ده أنا بقلق لو تليفوني رن تقولي حاكم
بس لو هحكم هكون ظالم والدليل فتره مشروع التخرج فاكرها ياحصبله؟
وفي الحاله دي ومع تأكدي أني ظالم فمش هعمل حاجه عشان أتأكد أني عادل بس أنا ممكن أقولك لو واحد عايز يتأكد انه عادل لازم يسأل أكبر عدد ممكن من اللي بيحكمهم ولازم يكون مستمع جيد مش بس متحدث جيد
أما عن سبب فساد الحكام فأنا أتفق معاك بس شايف أن مسئوليه الشعب أكتر من مسئوليه الحاشية لأن الحاشيه مهما زادت فهي أقل بكتير من الشعب والدليل على كلامي أنا أمبارح وأنا في الميكروباص السواق كان مصمم يزود الأجره بسبب سوء الأحوال الجويه وكان في ناس أعترضت وناس زي مش فارق معاه اموقف كتير وناس شايفه أنها تدفع وتخلص ومكنتش مدي اموضوع أهميه ولما دفعنا اللي السواق عايزه ولع سيجاره فبكل أدب وأحترام قلتله لو سمحت بعد اذنك أطفي السيجاره فمهتمش فقلتله أنت طلبت أجره زياده ووفقنا وأنا مبطلبكش بالزياده أنا بطالبك بحقي اللي الحكومه نزلت بيه قرارا رسمي وبدون الخوض في التفصيل الممله بس أضايقت من رد فعل الناس ومنهم واحد كان شايف أن ده قرار غبي من حكومه أغبي لأنها عوضنا عن حل مشاكلنا خرجت قنون غبي يمنع التدخين
بس أنا اكتر حاجه ذايقتني ولاحظتها هي السلبيه وبعديها أكتشفت أني كنت أكتر سلبيه منهم في موضوع الأجره وطبقا لأن المبادىء لا تتجزأ فقد أثبت بالدليل القاطع أننا المسئولين عن مصيرنا ولا أحد سوانا ووفقكم الله ورعاكم لما فيه الخير للبلاد
تصفيق حاد

ياه بجد تعبت نكمل بكره بليز ياحاتم
خلاص خلاص عارف أنك مبتزهقش من كتر كلامي
أه أنا أعرف أنك بتحب الناس دي بس هو مين عبد السميع؟
وليه مكتبتش مجدي مهنا وأنا عن نفسي أحب أضيف عزيزي سابقا الحاج قنديل مش عارف بس عشان هو جواز نجلاء فتحي ولا عشان كنت بتفرج عليه وأنا أصغر من كده بعشر سنين على الأقل
بخصوص سؤال الشغل أنا والله مكنتش أعرف أنه سؤال منتشر ده تفتق عليه ذهني
القصد أنت تنفع خالص في الديكور عشان حسك الفني أنا ياسيدي كنت طبعا أتمنى أشتغل مدرس لأنها مهنه ساميه كفايه أنها كانت مهنه الرسول عليه السلام بس كان ممكن أشتغل كمان حاجه خاصه بالأزياء أنت عرفني أنفع أشتغل مودل أو أستيلست
لأ ممكن كمان اشتغل في المبيعات عشان أنت عارف أنا بكلم بسرعه خمسميت كلمه في الدقيقه وممكن كمان اشتغل في أعمال السكرتاريه والتي تشتمل الرد على التليفونات وخدمة العملاء لأنك عرفني صوتي مميز وليا طريقه معينه في الرد على التليفونات
أو كنت أشتغل في مكتبه عامه اودار للمسنين أو ملجىء أيتام الخ الخ
اما عن البلد اللي أتمنى أعيش فيها
فطبعا باريس او كندا
أو الأمارات
أما عن الفرح فمكنتش اعرف أنك رومانسي كده
أما بالنسبة لي فأنا مبحبش الأفراح بس عموما احب الفرح اللي ممثلش أني مبسوط فيه بس أحبه فرح هادي ومعايه حد برتاحله عشان أنا بتوتر في الأماكن الزحمه
كلام الناس لا بيقدم ولا يأخر
أنت أكتر الناس اللي أعرفهم أهتمام بكلام الناس أنا مبيهمنيش كلام الناس بس بيوترني
لأ بيهمني
مش عارف بس بحس أني دايما عايز أكون على راحتي حتى لو راحتي دي غير راحة الناس ومع ذلك مع اول أنتقاد أثور والدليل على أنه بيهمني اني أول ما بتوتر برفع ضهر ايدي عشان أتأكد أني وشي مأنفجرش من الدم اللي فيه
أما عن الأجهزة الحديثة
فيسلام
لأني لو ملقتش الموبيل فده هيخلي الناس متكتفيش بمكالمة التليفون ولكن يتقابلوا وبدون الكاميرا الديجيتال هتأدك أن الصوره مش ملعوب فيها وأنها طبيعيه ميه في الميه
أما عن الحمام فحدث ولا حرج في احلى من الرسايل المكتوبة بخط الأيد يا راجل يا طيب دي اناس مبقتش عايزه تشتري كروت تكتب فيها هابي بيرث داي وبقت بتشتري كروت مكتوب فيها كلام ثابت أي نعم انا منهم بس عشان أنا خطي وحش ومش بعرف أكتب كلام حلو زي اللي بيكون في الكروت
أما عن الحصنه فأنت عارف اني بخاف من ذوات الأربع بس أكيد كنت هكون مبسوط حاسس ان كل حاجه كانت حلوه بدون التكنولوجيا وعشان كده بفتكر جملتي الشهيره قبل أن تلوثني المدنية الحديثة

السعادة ما هي الا حاله نفسيه ويطبق عليها القوانين النفسية وعشان كده مش هرد دلوقت هرد لما حالتي تسمح بس لو تقصد على غرار اسئلة الأمتحانات
عرف السعادة؟
هرد واقولك راحة البال

ياواد أنت عندك أمل أمال ايه السواد اللي بتبخه دايما عليا
اما عن أسبابك فياريت تعرفني على الناس اللي أنت تقصدهم أنا عارف أنك تقصد من ضمنهم فراشه بس في مين تاني؟
أما بالنسبه لي فلو سألتني السؤال ده أول ما أصحى من النوم هرد وأقول أه عندي أمل عشان ده يوم جديد عله يكون سعيد
أما لو سألتني في نهاية اليوم فهقولك لسه عندي شويه عشان يمكن يطلع عليا نهار يكون أحلى من يومي ده

بس بصراحه أنا دايما عندي أمل عشان دايما شايف أن بكره أحلى أكيد من النهارده

أما عن الهرب فأنت كذبت أنت يا بابا ممكن تنام 15 ساعه مش خمسه بس
وبالنسبه لي أنت عارف أنا بطبق مقوله ذهب مع الريح بحزافيرها وهي
أنا هنام دلوقت ولما أصحى أفكر في المشكله- وأزيد أنا عليها -اللي في الغالب هتكون أتحلت
أما لو تقصد مكان فأول مكان لما أحب أهرب أروحله هو حضن أي حد بيحبني ولو ملقتش فيبقى أي حد بحبه ولو ملقتش فيبقى أي حد والسلام

أنت كبرت قبل الأوان ياواد
أنا لسه لغايه دلوقت شايف نفسي الطفل الصغير يابني أنا لغايه دلوقت بطوح شنطتي في ايدي وكأني رايح الحضانه مش الشغل لسه مش بجد حرج أني أكل مصاصه في الشارع لسه بستمتع بطعم الكارتيه واللوليته ولسه بعتبر البونبون بديل عن الوجبات الغذلئيه
تفتكر كده أكون كبرت؟

بس الحقيقه كمان أني من بعد ما أتممت الربع قرن وأنا ساعات أقول يااااااااااه أنا كبرت
عمل الخير مقدرش أرد أصلي معرفوش ومبعملوش

أما عن السجاير فأنا مش بطيقها ومبقتش بطيق المواصلات بسببها
أما عن الست اللي بتشرب سجاير فكنت زمان بيشدني الموضوع جدا لأنها كانت بالنسبه لي ظاهره غريبه بس بعد شويه بقيت ببصلها نفس بصيتي للراجل اللي بيشرب سجاير

الأيد الشمال أه مشكلتلك الازليه
انا بعرفهم لما احط ايدي الاتنين على بعض في وضع الصلاه او لو كتبت اسمي في الهواء بايدي

أيه الالات دي كلها انت موسيقي؟
أنا بحب البيانو

تاني بتجيب سيرتي
انا هكون في قمة السعادة لما ابطل قلق
ولما أعرف أخليك تحبني عشاني أنا مش عشانك أنت

أنت طماع عايزهم كلهم
مفيش ليا أختيارات تانيه أنت عارف أخر أهتماماتي الفلوس بس ممكن أختار الأرض لأنها هي الوحيده اللي هتحتفظ بقيمتها

بيتهيالي رايك نابع لأنك موجود في مطروح مش في موسم لأن حتى البحر في الزحمة بيكون رخم
أنا على العموم مش هختار الاتنين لأني كائن ناري بكرهه الميه بس لو لازم أختار هختار النيل يمكن عشان البحور كتير لكن النيل واحد ويمكن عشان البحر مرتبط عندي بالشغل وأيامي البيضه على البلاتفورم في عز البرد ويمكن لأن كمان النيل معروف أبعاده وانت على الشط بتقدر تشوف الشط التاني لكن البحر لأ

أنت مش بتخاف من الميه أنت بتكره الميه ده أنت بتستحمى بعد محايله
لول
أنا طبعا ركبت الأتنين بس أستمتعت أكتر في الطياره بس برضه يمكن عشان المركب كنت بركبه للشغل وكان بيحصلي دوار بحر بس لو في نزهه أحب المركب طبعا

أنت طول عمرك مجنون
وانا أجن منك

لتالت مره بتجيب سيرتي
أنا طبعا أحب أقرأ كتاب عشان اسيب خيالي يسرح وكنت بحب لما اقرا قصه أختار الأبطال اللي ممكن يمثبوها واللوكاشن

كفايه
خلصت

My Hope$
انا غلطااان
يعني الحق عليا ؟
ماشي طب اخدتي التاج اللي فات ؟ طبعا لا مش بناخد منكم غير لماضه
وبعدين اجيب تاج جديد منين بس هو انا سمسار تاجات؟
عندي واحد بتاع التفاؤل ده جامد جدا بس للاسف مش وقته معايا دلوقت

ايوة مش بأعرف او بالمعنى الاصح مش حاولت ولا مرة اعوم
واللي يغيظ اني كنت بأشتغل ف البحر !!! تصوري لما كنت بأنزل بقى كنت بأتشاهد ان ربنا سترها
حاجة رعب والله
وطبعا شايف نظرة الشماتة لكن ولا يهمني اصلا مش ينفع نتقارن ببعض
انتي واحدة من اسكندرية يعني متربية ف حمام سباحة ملاكي انا بقى اكبر حاجه عندنا البانيو واستفادتنا الوحيدة منه اننا بنملاه علشان لو الميه قطعت
هههههههههه
متشكر جدا على متابعتك بجد
دي حاجة بجد بتسعدني وفرحان اني عرفت انك ونرمين اصحاب
قوليلها بقى بلاش الغيبة علشان كل ما ادخل عندها الاقي تراب وعنكبوت وانا عندي حساسية على صدري
منورانييييييييييييي

انسان مقيد
ياااه
انا قدامي ماراثون ردود
يالا بينا انا قبلت التحدي
سؤال العصور
طبعا يا بني انا وطني وطني وبأطنطن واتخنقت من حالتك يا وطنطن
الله يخرب بيت الروايات اللي بوّظت عقول الشباب يابني هي من اسمها بتقولك روايات يعني احلام يعني سراب يعني امسي واصبح على الناس الرايقة اللي مش راضية تفوق من الوهم
لاموري ؟ ايه اللي ممكن يتحب ف العصور السحيقه دي قصات الشعر ولا الفساتين اللي عاملة زي الكفن ولا الارستقراطيه الغبية واللكنات اللي تبن انهم ولاد ناس ياراجل بلا قرف

ياريت كان ينفع بس والله الواحد يقدر يكون حاجة كويسة برضه دلوقت على الاقل انت بتواجه برضه اغراءات وصعوبات ومحاربة علشان مش تبقى ملتزم
ربنا يهدينا جميعا

الاولويات بقى
والله مش البيج دييل بس انت عارف ان الشغل ده فعلا حاجة مهمة للواحد مش ينفع ابقى شحط وبامكاني اشتغل ومش اشتغل لكن المشكلة مش ف فكرة الشغل نفسه على اد ماهي ف هاتبقى مرتاح نفسيا ولا لأ وطبعا الفلوس برضه يا مادا ياخويا لها مفعول السحر

فهمت للأسف
وبعدين عمال تقول ياواد ياواد ايه الاباحة اللي نزلت عليك فجأة دي
كدابين مش تصدق انت مش تنفع ف السيرفيس انت مقامك بدلة ومكتب وتخطط للغوغاء امثالنا نعمل ايه
انت المخ يابني والمخ مش ينفع يشتغل ف سيرفيس
مش تفكرني ؟ انا اصلا هابطل استناك ف الشارع تاني

بخصوص العدالة
انا ليدر؟ الله يكرمك
انا بصراحة حاتمي مش قادر استقر على حد احس انه هو الوحيد اللي حكم مصر بجد لكن انا بأميل لعصر السادات اكتر مش عارف ليه
انا بأشوف ان عبد الناصر رغم كل مميزاته وشعبيته الطاغية مشكلته كانت ف الحاشية
لولا دول كان عبدالناصر ده كان ليه مكانه تفوق مكانة اي قائد قبله او بعده
المهم الموقف اللي حكيته كلنا فيه سوا فكرة ان السواق ده راجل غلبان وده رزقه الوحيد والحكومة منها لله هي اللي دفعته انه يعمل كده ومش فارقه يعني الربع جنيه هو هايفرق
فكرة ان كل حاجة بقت عندنا عادي والفكرة الاكبر اننا بنستغل بعض بدون ما نحاول ناخد موقف مع السبب الاساسي يعني الجزار يغلي السعر او الفكهاني او البقال او بتاع العيش لمجرد اشاعة ان فيه نقص او الغاء الدعم
ده انا مرة بأشتري جورنال لقيت الراجل بيقولي ربع جنيه كمان قلتله ليه ده النهاردة مش العدد الاسبوعي قالي اشمعني ده اللي مش يغلى ده الدهب والبترول ولعوا الاسعار
ايه علاقه الدهب بالجورنال مع اان سعره مكتوب عليه
احنا بنعمل كده ف بعض مش حد تاني
مش عارف ده صح بس انا بأعتقد كده

فعلا والله ولي التوفيق وشششششششششششششششش
ده صوت الجماهير بتحيي الباشمهندس محمد وصحبته وسمعني سلام للحكومه بيقول لو ماكنتش انت تبهدلني مين هايبهدلني

الاعلاميين بقى
يارااااااااجل دة التليفزيون ده لعبتك
ياعم كتبت الاستاذ مجدي مهنا انت يمكن قصدك على وائل الابراشي
ركز شوية
مش عارف انا كمان كنت باحب وجدي قنديل مش اسمه كده برضه بس بقيت احس ان المواضيع بتأفوّر منه

الشغل بقى ياريس
اه تشتغل موديلز هههههههه مش عارف كل حياتنا فيها الجمع ده
يعني واحد رايح يشتري حاجه ساقعه لنفسه يقول واحد بيبسي كانز
ليه ياعم دي واحدة بس
انت ممكن تشتغل اي حاجة ليها علاقة بالجمهور وانا شايف زيادة عن كل دول كنت تنفع جدا تشتغل محامي
عندك اسلوب فظيع ف قلب المواقف ودعم كلامك بالحجه
سفسطائي درجه اولى
تقولش مرتضى منصور
ههههههههه
ده حاجه كويسه على فكرة

باغيييييييي
لاموود
اتوتاليييغ
يعني ايه اللي كتبته ده؟
بس هما بيقولوا كده لما تيجي كلمة باريس

الفرح
يابني الرومانسية لو تمثلت ف بني ادم على طول بدون ماتفكر يبقى اسمه
اي حد غيري
انا باحب احساس الفرح
ان حد يبقى فرحان ده شئ كويس بس فعلا المناطق الزحمة تصيب بالاختناق

كلام الناس لا بيقدم ولا يأخر
كلام الناس ملامة وغيرة مش اكتر

الخجل ده صفة الناس اللي عندها دم
للاسف الواحد كان نفسه يبقى بجح

الاجهزة الحديثه الصراحة مش عارف احكم
مش لما اجرب الاجهزة الحديثة دي الاول
يعني ايه اصلا ديجيتال

السعادة
لو سمحت كلمني عربي


الامل موجود
والله الناس كتير جدا وطبعا بينهم الفراشة ومعظمهم هاتلاقيهم على يمين المدونه بتاعتي
التدوين ده خلاني اعرف ناس كتير جدا مش كنت فاكر انهم موجودين
ناس محترمة بخفة دم وناس حساسة بعقلانيه وناس احكامها وفكرها سابق سنها
ياراجل ده بلدنا والله لسه بخير

عله
تاني؟
يابني الكلام ده اتلغى من زمااااااااان
انت عايش ف عصر نهارك سعيد والطلافون وديك النهار والاغنيه بتاعة درس خصوصي دي
ويارب دايما يكون بكرة احسن من النهاردة

الهرب
15 ساعة ده يبقى الهروب الكبير وبعدين انا ممكن انام اكتر من كده انا رقمي الشخصي 3 ايام متواصل
اه راح اللي راح هانتعب روحنا لية؟
اي حد والسلام
ههههههههههه
حتى ميشو وكوكي وصاصا والاسامي الغريبة بتاعة العرايس والكلاب والدباديب اللذيذه اللي مرمية ف وشي كل ما اجي عندكوا دي

على فكرة احسن حاجة انك تبقى لسه صغير وبعدين مانا باكل فشار ومصاصة وبألبس الوان الطيف ف هدومي
مش انت لوحدك يعني

السجاير
انت هاتقولي ماحنا دافنينة سوا

الايد الشغالة
عارف ان زمان كانت اصعب حاجة عليا اني كنت فاكر اني ف يوم القيامة هاخد كتابي بالشمال وطبعا انا كده ابقى رايح النار اساسي
بس ربنا رحمته واسعة


البحر ولا النيل؟
التمر حنة
هههههههههه
رأيك لابد من احترامه وخصوصا انه يحمل ذكريات سيئة جدا لكن ينفع تشردلي كده
بس كان لازم توضح انك بتهزر علشان انا بقى شكلي جربوع جدا
والله بيهزر يا جدعان
وبعدين يعني ايه ناري ومائي وارضي مش كلنا من تراب ولا انتوا ظروفكوا ايه

الطيارة بتدي الواحد احساس انه اعلى من باقي الناس وده احساس على اد ماهو مريح لكن مش كويس ابدا وبعدين المنظر من فوق بيضيع التفاصيل والملامح عامة وبالتالي بتبقى الدنيا كلها زي بعضها
وانا مش باحب احساس ان كل حاجه تبقى نفس الشكل علشان كده مش باحب برده ابقى ف وسط البحر او وسط الصحرا باحب اشوف مناظر جديده كل مرة

انا مجنون؟
اذا انا موجود
انت بصراحة اشهدلك وابصم بالعشرة انك مجنون رسميا وناقصلك شهادة معتمدة بس

كويس اني باجيب ف سيرتك
على فكرة حاولت امسك نفسي بس دايما بتطلع ف الاجابة اعمل ايه دة ذنبك انت مش ليا دعوة
اسرح ياعم بس الواحد بيخاف منك
اصل خيالك مريض
هههههههههه

تمام كده ايه رأيك انا شفت فكرة حلوة اوي عند مدونة كله ماشي
كانوا ايمي وكوكا كاتبين الحلول كل واحدة بلون
ايه رايك احط اجاباتك كمان ف البوست بس بلون تاني
هاتبقى جامدة بجد
مستني ردك

:)
أولا انا بجد كل ما اعرفك أكتر كل ما بيزيد احترامى ليك دا بجد وانا أصلا مش بعرف أجامل
بالنسبه لمحمد على هو تقريبا العصر الوحيد الى بتشوف صوره فى كل حته فيكى يامصر لحد دلوقتى القصور وروعه الفن المعمارى الى محدش عرف يعملها والعقليه السياسيه والمكر والدهاء بجد الشخصيه ده انا بعشقها
*************
يالنسبه للحكم العادل فده مش هيحصل دا حتى الرسول صلى الله عليه وسلم بيقول فيما معناه يعنى ان ربما يكون فى حد حجته أقوى من التانى فيميل قلب الحاكم اليها
*************
والفرح دا أجمل فرح حتى لو كانت القاعه مش متكلفه والله أحسن ميه مره من فرح فى أفخر الفنادق وأغلى شبكه وأشيك فستان وتدخل تلاقى العروسه مكشره والعريس خلاص مش طايق حد
****************
هتشترى التى شرت وانت راكب على الحصان هههههه انا بقى بجد كان نفسى أعد فى الهودج وجوزى يجبلى أكلى وشربى لحد باب هودجى ويقطع رقبه الى يحاول يبصلى الله بجد أجمل بكتير
**************
لما بتهرب بتنام:( نفس العاده بتاعتى بس انا مش بصحى ألاقلها حل انا بفضل نايمه وبكون فعلا نايمه مش بمثل وبستعجب على القدره الغريبه على النوم ده
**************
حاتم بجد أسعدنى تعليقك جدا والفلم فعلا كان عجبنى أوى ولما نزلته مع الفديو بتاعه السايت قرر انه يلغى الفديو :(((شوفت حظى
نفسى اتسدت وروحت مسحت البوست كله بس هى ده كل الحكايه
بس لو عايزنى ارجعه انا تحت امرك:))
بالنسبه للبساط انا أصلن بدرس لغات وبحب اوى اتعرف على ثقافات وشعوب مختلفه عشان كده فتحته بس انا كنت عارفه انى عندى كام موضوع وهيخلص عشان كده خليت ناس تدخل معايا بس للأسف نفضولى خالص:(
انا بجد لسه عايزه اكمل فيه وان شاء الله هادور على مواضيع جديده أوعدك
احم
انا حاسه انى دخلت ادردش مش أكتب تعليق :))على العموم استحملنى بقى
تحياتى وان شاء الله هارد على التاج أصله دخل دماغى ولا انت عندك همسات دافئه غيرى؟:):)
شيماء:)

سلام عليكم

مش عاوزة أكون محبطة، بس التاج دة مش هسمع كلامك وأرد عليه دلقتي خالص لأن أولا الواجب كدة كتير عليّ وأنا لسة مش عملت التاج الأولاني :) بس والله ناوية البوست اللي بعدالجاي إن شاء الله

وثانيا إني شفت التاج دة كتير بس مش كان بيشدني خالص...فتقدر تقول تناحة يعني ..لسة مش هجاوب عليه معلش

كان لي شوية تعليقات على اللي كتبته، وهحاول مش أطوّل أوي في الكلام عشان مش تتضايق
عصر محمد علي دة أعتقد معظم الناس عارفة إنه فعلا أحلى وقت لمصر، وحصل فيه حاجات حلوة للبلد وجربوا مجالات جديدة كتير عمرهم ماكانوا جربوها. فعلا لوكان استمر كان مصر هتبقى حاجة تانية والله أعلم
يللا الحمدلله

عجبتني صراحتك أوي وخصوصا لو كنت حاكم على ناس تانية
:)
بجد شخصية جميلة أوي ولذيذة أوي أوي وتستحق كل التقدير من غير مجاملة خاااالص

الإعلاميين...معاك في منى الشاذلي بس "ضدك" في مجدي مهنا عشان مش بحبه أبدااا، والباقي أول مرة أسمع عنهم :))مع إن في العائلة حاسينني مثقفة
بالنسبة للفرح...طبيعي إن لورحت أي مكان حتى لو مش فرح، عمرك ماهتحس إنك فرحان أو حتى مرتاح إلا لوكان كل اللي موجودين بيحبوا بعض وباين إنهم بيخافوا على بعض، مش طول الفرح تلاقي ناس بتتكلم على ناس
:)
زي عواجيز الفرح اللي بيقولوا عليهم يعني
بس بالنسبة لي الفرح الحلو اللي في دماغي داخل فيه كمان شوية حاجات بناتيتي وطفولية "زي فقاقيع الصابون مثلا" وهي بتطير عند الكوشة لوحدها
:)
معلش واحدة عبيطة دخلت في الخط بتقول الكلام دة
بتقول نفسك تحس إنك سعيدبجد مش بس فرحان..هقوللك إن الشعور اللي بتقول عليه دة عمري ماحسيته فعلا فعلا غيرلما كنت في عمل خيري وحسيت إن كل اللي بتعامل معاهم ناس صافية وجميلة أوي..وشفت الفرحة والراحة في عيون الناس التانية...يعني من الآخر بجد الإحساس دة هتحسه أوي لما تعمل خير لأنك هتحس بإنجاز وانك عرفت تعمل حاجة صح للناس المحتاجة لك وحاولت ترضي ربنا بيه، وكمان معاك ناس كويسة حواليك. فاهم إزاي؟
أتمنى مش أكون طولت في الكلام أوييي
:(

و ياااارب ربنا يقدرك على حفظ القرآن كله إن شاء الله. أكيد كلنا بنتمنى كدة جدا، بس ابدأ احفظ فعلا لومش كنت بدأت
:)
ترقب التاج اللي فات في البوست اللي بعد الجاي :). شفت الإعلانات والتشويق دة بأة؟

كفاية أوي كدة ونأسف للإزعاج
تحياتي ليك ولصاحبك الأنتيم

شكرا علي التاج ياحاتم مبسوطه اوي ان مدونتي كانت من ضمن المدونات اللي مررتلهم التاج
وانا ما حبيتش ارد عليك لاني ما كنتش لسه قريت الاجابات
قولت اجاوب الاول علي التاج وبعدين ابئي اقرا اجاباتك
علشان ما يأثرش عليا
اكتر اجابة سؤال عجبتني ليك
ان اصحابك بتعتبرهم من عيلتك واحنا اصحابك
بجد فرحت جامد بالرد دا

ياحلولي ياحلولي انا اتمرررلي تاج
شكرا على التاج الجميل ده وان شاء الله اجاوب عليه ..

وبجد حلوة اوي اجاباتك على التاج منه حسيت انك شخصية رائعة فعلا ربنا يكرمك ويثبتك

ومعاك في ان الشعور برضا ربنا ورضا النفس بيخلي الانسان في اسعد حالاته

تحياتي أيامنا الحلوة

ورجعت تاني لعيون
اه نسيت
أزيك وحمد الله على السلامه بقالي فتره بقوم أني اكتب كومنتات لدرجه أني حتى مكتبتش كومنتات عند فراشه وقلب ينبض بس لأني بصراحه كنت ناوي أبطل تعليق زي ما بطلت كتابه بس أفتكرت أنك ليك دين في رقبتي

أولا أسمه حمدي قنديل مش وجدي واه كنت اقصد وائل أصل بحب تسريحه شعره موت
عنجد كتير بتعقد
ههههههههه
فاكر لما كتبتلك موضوع الموديل كنت بتكلم بجد وأنا طبعا حكيتلك لما مديري الله يسامحه قال يوم ماتش ما قبل النهائي لما أنا مكنتش معاهم تلاقيه في عرض أزياء هو أي نعم كان بيسخر بس الناس زعلوا وقالولي عشان أنا كمان أخد موقف منه بس أنا مش الكلمه اللي زعلتني أنا اللي زعلني انه كان بيتريق رغم أنك عارف أنا في اليوم ده تحديدا كنت فين
ولا مش عارف؟
تعرف أنا دلوقت أفتكرت حاجه لما كنت زمان احكيلك حاجه معينه وأقولك بلاش بليز تحسسني بعدها أني حكيتلك حاجه
كنت أحيانا بحس أني عايز أفكرك باللي حكيتهولك لأنك مش بتحسسني اني وبس مش قلتلك حاجه لأ كمان بتحسسني أن عندك زهايمر
ودي حاجه كويسه لو مكنتش فهمت من كتر الرغي اللي أنا برغيه

أنا سفسطائي ؟
الله يسامحك
ده حتى أنا أحب أريح دماغي ده أنا بيتهيألي لو حد قالي الشمس بتشرق من الغرب هقوله أه عشان أريح دماغي

وقولتلك ميت مره متطريقش على الألفاظ اللي بستعملها أنا
تعرف إن أمبارح وأنا في الميكروباص وفي طريقي ليك عشان أقابلك وأنت راجع من مطروح كان معايه محمد أبراهيم وكنا بنتكلم على الشغل فبقوله نظام بيروقراطي متعفن
أه واللهي
ولاقيت الراجل اللي كان جنبي بيبصلي أوي
هو الكلام ده أتمنع يالا
علنا نعيده من جديد
أنا معنديش دبدوب أسمه صاصا يمكن أنت تقصد جيجي وجميله بس دول أختي خدتهم معاها بعد الجواز
فاكر جيجي؟
اللي رجلها طويله
وفاكر تعذيبك أنت والواد رضا فيها
ياه كانت أيام
ونيجي لأهم نقطه واللي بسببها أنا كتبت التعليق ده اللي رجعني من سباتي العظيم
واللهي حاتم من أنضف الناس بس أنت مكنش مفروض تزعل لأن عمر ما في حد هيجولي طوله بال يقرا اللي بكتبهولك أو يقر ردك عليا بس متزعلش ياسيدي أنا فعلا كنت بهزر تعرف أنك كنت معقدني بنضفتك دي
أه واللهي كنت دايما بتحسسني أني مش نظيف رغم أنك عارفني بحب أظهر بالمظهر الحسن
ده كفايه ياراجل أن أكتر من نص أكل الدنيا مش بتكله قال أيه عشان متوسخش أيديك
بس يمكن أنا كتبت كده بسبب الغيره
أنت عارف أني أنا اللي مش بحب الميه كتير

أنا خيالي مريض ومجنون رسمي طيب الله يسامحك

أنا سبق وقلتلك رأي في موضوع أنك تنشر أي كلام من الهطل اللي بكتبه بس أنا عندي ليك بقى تاج لاقيته وأنا بدعبس في المدونات الأخرى
هو قديم كان منشور في مدونه بتاريخ حاجه في سنه
2004
بس عجبني
خد عندك الأسئله
سبع حاجات عايز أعملها؟
سبع حاجات مش بعرف أعملها؟
سبع حاجات بقولهم طول اليوم؟
سبع أشخاص تمرر ليهم الأسئله؟
وأنا من مكاني ده أحب أضيف
سبع حاجات بعملهم كل يوم؟
سبع حاجات بعملهم وعايز أبطلهم؟
سبع مدونات بزورها بأنتظام؟
سبع أشخاص أتمنى أقابلهم؟
سبع أماكن أتمنى أزورهم؟
وكفايه كده وهبقى افكرلك في أسئله تانيه

سلاموز

يا نهار تاج
انا يتمرر لى تاج و انامعرفش
اوك يا حاتم
لن أنسى لك هذا الموقف
هههههههه
اجاباتك جميلة جدا و كنت متوقعاها من شخصية محترمة زيك
استغربت من انك بتبقى عاقل مع القريبين منك و مجنون مع الآخرين المفروض العكس... مش عارفة
برافو عليكفيرأيكفي موضوع السجاير ...أنا كمان شايفة انه حاجة مقززة سواء من رجل أو إمرأة و خصوصا في المرأة لأنها المفروض انها اللى بتربي الأطفال فإزاي تكون هي حامي الفضيلة و تكون بتمارس رذيلة زي دي

البحر جميل بس مخيف ...بيتهيألى النيل طيب مش مجهول زي البحر..هههههههههههه

بقى عايز الفلوس ...ماشي يا عم ربنا يرزقك بس ابقى افتكرنا يعني ....و لامش ممكن ساعتها تعمل رسم دخول للمدونة ...ايوة مانا عارفاكو لما ربنا يديكوا تفتروا على الخلق
هههههههههههه

موضوع الحمام الزاجل ده عجبنى اوي ...هو ينفع الواحد يوشوش الحمام و يقوله فورورد آل يلاقى الرسالة و صلت للناس كلها
و الناس تطالب بجوز حمام أسبوعيا لكل مواطن بس فيها عيب بقى ...ان دي هتبقى مشاع بقى و كل واحد يصطاد الحمام بتاع جاره علشان يعرف هو بيبعت لمين
لا ياعم هو احنا لاقيين الحمام ناكله لما هنبعته بالإيميلات كمان
هههههههههه
تحياتي
و إن شاء الله هرد على التاج لكن على رواقة

انت فينك غيابك طول اوووووي بقالك كتير مش بتنور ايامي الحلوة

تحياتي وتمنياتي بالتوفيق

السلام عليكم ورحمه الله
على فكره ديه تانى مره اكتب الكومنت ومش عارفه ليه مش يرضى يتبعت .. اجابتك تدل على أنك شخصيه قلبها كبيير وطيبه اوى .. عجبنى أوى أنك نفسك تبقى داعيه اسلامى ربنا يكرمك يارب ... وبجد أنا طيرت من السعاده لما لاقيت اسمى فى ضمن اللى مبعتلهم التاج وبجد مودى أتغير تماماً لما قريت أسمى ومكنتش مصدقه اذا كنت أنا أو لأ
:D
بس على فكره التاج أنا مجاوبه عندى من زمان..
سلامى

يجب عليك اولا ان تعرف نفسك اولا
ثانيا مصر دى مفيش احسم منها وعلشان تعرف قيمتها لازم تتغرب
ما ينفعش تحب بلد غير بلدك مهما كان فيها من مشاكل وازمات
ولى تعليق على الاندلس لما كانت مثالية ضاعت ليه؟؟؟؟؟؟؟؟
ولا كانت لعبة بين ولادة بنت المستكفى والوزير مش عارف مين
ننركز فى بلدنا وايجابيتها ونعالج سلبياتها ولو علمنا الغيب لاخترنا الواقع
ناجح يوسف فهمى